site
stats
اہم ترین

الطاف حسین سے اظہاریکجہتی فاروق ستار کا عمران خان کومناظرے کاچیلنج

کراچی: الطاف حسین سے اظہاریکجہتی کیلئے عائشہ منزل سے سوسائٹی آفس تک ریلی نکالی گئی، جس میں موٹرسائیکلوں پرسوار ایم کیوایم کے کارکنوں اوررہنماؤں کی بڑی تعداد نےشرکت کی۔

ریلی سے خطاب میں ایم کیو ایم کے رہنماوں نے عمران خان کوکڑی تنقید کانشانہ بنایا، ایم کیو ایم کے سینیٹر بابر غوری کا کہنا تھا کہ آئندہ کراچی کی عوام عمران خان کو جلسہ تو کیا جلسی بھی کرنے نہیں دینگے۔

بابر غوری کا کہنا تھا کہ تحریک انصاف طالبان کی سیاسی ونگ ہے، انہوں نے کہا کہ جب کراچی کے ٹیمبر مارکیٹ میں آگ لگی تھی تو عمران خان کہاں تھے۔عمران خان نے پاکستان کے چمن کو آگ لگانے کی کوشش کی ہے۔

ایم کیو ایم کے رہنما فاروق ستار نے کہا یہ عوام کا سمندرعمران خان کے نازیبابیانات کاجواب دینے کیلئے جمع ہوا ہے، انہوں نےعمران خان کومناظرے کاچیلنج بھی کیا۔

خالدمقبول صدیقی نے عمران خان کورانگ نمبر قرار دیتے ہوئے کہاوہ ملک کوغلط راستے پرلے جارہے ہیں،ایم کیو ایم کیخلاف ہر دور میں سازشیں ناکام ہوئیں، ہم عمران خان کا اصل چہرہ بے نقاب کریں گے۔

فیصل سبزواری نے عمران خان کوطالبان خان کہا اورمساجد میں دھماکے کرنے والوں کو ان کا بھائی قرار دیا، انہوں نے کہا کہ عمران خان نے ہر لیڈر کے خلاف نازیبا زبان استعمال کی۔ اگر ایم کیو ایم کے جلسے بندوقوں کے زور پر دکھائے جاتے ہیں تو کیا دھرنا توپوں کے زور پر دکھایا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top