The news is by your side.

Advertisement

الطاف حسین نےمتنازعہ بیانات کاوطیرہ بنالیاہے۔ خواجہ آصف

اسلام آباد : وفاقی وزیردفاع خواجہ محمد آصف نے کہا ہے کہ جائزہ لیاجائےگا کہ الطاف حسین کیخلاف کیسی چارہ جوئی کی جائے۔

الطاف حسین کتنی مرتبہ معافی مانگیں گے،ہرچیزکی حدہوتی ہے۔تفصیلات کے مطابق ایم کیو ایم کے قائد الطاف حسین کا خطاب مشکل بن گیا، جسے دیکھو تنقید کئے جا رہا ہے اور تو اور وزیر دفاع بھی بولے بغیر نہ رہ سکے۔

خواجہ محمد آصف کا کہنا ہے کہ را سے متعلق جیسا بیان الطاف حسین نے دیا ہے کوئی پاکستانی نہیں دے سکتا ، ان کا کہنا تھا کہ الطاف حسین نےمتنازعہ بیانات دینےکاوطیرہ بنالیاہے۔

وزیر دفاع نے بھارت کو تنقید کا نشانہ بناتے ہوئے  کہا کہ پاک چین اقتصادی راہداری منصوبےسےبھارت کو بہت تکلیف ہے،بھارت دہشت گردی کیخلاف ہوتاتوسرحدپرکشیدگی پیدا نہ کرتا۔

وزیردفاع نے کہا کہ بلوچستان میں نام نہادرہنماؤں کےپاس بھارتی پاسپورٹ ہیں،بلوچستان کےبعض رہنمابھارتی پاسپورٹ پرسفرکرتے ہیں۔

Comments

comments

یہ بھی پڑھیں