کراچی: ایم کیو ایم کے قائد الطاف حسین نے کہا ہے کہ کارکنوں کے اصرار پر وہ پارٹی ختم کرنے کا فیصلہ واپس لے رہے ہیں۔
الطاف حسین نے نائن زیرو پر ٹیلی فونک خطاب میں کہا کہ نائن زیرو پر ایم کیوایم کے بند تمام شعبہ جات دوبارہ کھول دیے جائیں، انہوں نے مزید کہا کہ وہ برطانیہ میں رہتے ہیں اور یہاں کے قوانین کا احترام کرتے ہیں۔
اس سے پہلے ایم کیو ایم کے رہنماؤں سے گفتگو میں انہوں نے رابطہ کمیٹی سمیت دیگر شعبہ جات کی ناقص کارکردگی پر اظہار برہمی کیا اور فون بند کردیا، الطاف حسین کے اظہار ناراضگی کے بعد نائن زیرو پر خورشید بیگم میموریل ہال سمیت تمام شعبہ جات کے دفاتر کو بند کردیا گیا، جس کے بعد کارکنان کی بڑی تعداد نائن زیرو پرجمع ہوگئی، اور الطاف حسین سے فیصلہ واپس لینےاپیل کی۔
