لندن: ایم کیوایم کے قائد الطاف حسین نے کالاباغ ڈیم کی تعمیر کا مطالبہ کردیا ہے، انکا کہنا ہے کہ سندھ کے مطالبات دور کرکے منصوبے پر کام شروع کیا جائے۔
ایم کیوایم انٹرنیشنل سیکریٹریٹ لندن میں اجلاس سے خطاب کرتے ہوئے الطاف حسین نے پانی ذخیرہ کرنے کیلئے چھوٹے ڈیم بنانے کا مطالبہ بھی کیا، ان کا کہنا تھا کہ پانی وبجلی کے نئے منصوبے بنانا وفاق اورصوبائی حکومتوں کا فرض ہے۔ سندھ کے تحفظات دور کرکے کالا باغ ڈیم تعمیر کیا جائے۔
الطاف حسین کا کہنا تھا کہ پاکستان کی تاریخ میں پہلی مرتبہ صرف کراچی میں ہیٹ اسٹروک سے اتنی زیادہ ہلاکتیں ہوئیں اور میتیں رکھنے کے لئے سرد خانے کم پڑگئے۔ قیمتی جانوں کے ضیاع پر وفاق اورصوبائی حکومت کا ایک دوسرے کو مورد الزام ٹہرانا افسوسناک ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں