The news is by your side.

Advertisement

الطاف حسین کا آخری سانس تک پارٹی کی قیادت کا اعلان

کراچی: ایم کیوایم کے قائد الطاف حسین نےکہا ہے کہ کارکنان کراچی میں پانی کے بحران پر احتجاج کرنے کے لئے تیاررہیں۔

انہوں نے کہا کہ پیمرا کے ذریعے ان کے خطابات پرپابندی لگواکرانہیں عوام سے دور کرنے کی کوشش کی جارہی ہےتاہم وہ پرامن جدوجہد جاری رکھیں گے۔

تفصیلت کے مطباق اتوار کی شب کراچی اور حیدرآباد میں کارکنان سے ٹیلی فونک خطاب کرتے ہوئے ایم کیوایم کے قائد کا کہنا تھا کہ اگر ایم کیوایم کےلئے ذرائع ابلاغ کا راستہ بند کیا گیا تو عوام سے رابطے کےلئے متبادل راستہ اختیار کریں گےاورپر امن جدوجہد جاری رکھیں گے۔

الطاف حسین نے کہا کہ ایک مرتبہ پھر واضح کردینا چاہتا ہوں کہ ایم کیو ایم میں ہزار گروپ بنا دیئے جائیں یا رابطہ کمیٹی کے ارکان ذمہ داری سے کام کریں نہ کریں اور چاہے ان کی تقریر پر پابندی ہی کیوں نہ لگادی جائے وہ قیادت سے دستبرداری کی بات اپنے منہ پر نہیں لائیں گے۔

انہوں نے کہا کہ امریکہ اوربھارت جب بھی پاکستان کے خلاف سازش کریں گے تو ایم کیو ایم پاک فوج کے ساتھ کھڑی ہوگی۔

الطاف حسین کا کہنا ہے کہ منفی پروپیگنڈا کرکے ایم کیو ایم کو بدنام کرنے کی سازش کی جارہی ہے۔

ایم کیو ایم کے قائد نے آخری سانس تک پارٹی کی قیادت جاری رکھنے کا عزم بھی ظاہرکیاہے۔

انہوں نے اپنی جماعت کے ممبران پارلیمنٹ سے کہا کہ اپنے اپنے حلقوں میں عوام کی خدمت کریں اور جو اس کام میں ناکام ہوگا اسے آئندہ ایم کیوایم کا ٹکٹ نہیں ملے گا۔

Comments

comments

یہ بھی پڑھیں