The news is by your side.

Advertisement

الطاف حسین کا ایم کیوایم رہنماوں کی تقریرپر نا پسندیدگی کا اظہار

کراچی: ایم کیو ایم کے قائد الطاف حسین نے ایم کیوایم کی ریلی میں بعض رہنماوں کی جانب سے کی جانے والی تقریروں پر ناپسندیدگی کا اظہار کیا ہے ۔

حق پرست رکن صوبائی اسمبلی روٴف صدیقی سے ٹیلی فونک گفتگو کرتے ہوئے الطاف حسین نے کہا ہے کہ ایم کیوایم کی جانب سے شاہراہ قائدین پر منعقد کی جانے والی ریلی میں چند مقررین کی جانب سے اپنی تقریروں میں عمران خان کی کراچی آمد پر اعتراض و نکتہ چینی سے انہیں صدمہ پہنچا ہے ۔

الطاف حسین کا رووف صدیقی سے گفتگو میں کہنا تھا عمران خان پاکستان کے شہری ہیں وہ جب کراچی آئیں گے ایم کیوایم انہیں خوش آمدید کہے گی۔

دوسری جانب ایم کیو ایم کے قائد الطاف حسین کی جانب سے خواتین کارکنان سے معذرت کے بعد پی ٹی آئی نے ایم کیو ایم کے خلاف پارٹی سطح پر آج ہونے والا احتجاج ملتوی کردیا تاہم تحریک انصاف سانحہ بلدیہ ٹاؤن کے خلاف پنجاب بھر میں احتجاج کرے گی۔

پی ٹی آئی پنجاب کے صدر اعجاز چوہدری کے مطابق الطاف حسین کی جانب سے معذرت کیے جانے کے بعد آج ایم کیو ایم کے خلاف احتجاج ملتوی کیا گیا۔

 ان کا کہنا تھا کہ بعض کارکنان اب بھی احتجاج کرنا چاہتے ہیں مگر انھیں پارٹی قیادت کی جانب سے واضح ہدایت کی گئی ہے اب احتجاج ایم کیو ایم کے خلاف نہیں بلکہ سانحہ بلدیہ ٹاؤن کے خلاف کیا جائے گا۔

Print Friendly, PDF & Email

Comments

comments

یہ بھی پڑھیں