The news is by your side.

Advertisement

الطاف حسین کا سینیٹ الیکشن سے متعلق صورتحال پراظہارِ تشویش

لندن : ایم کیو ایم کے قائد الطاف حسین نے سینیٹ الیکشن سے متعلق صورتحال پراظہارِ تشویش کرتے ہوئے سپریم کورٹ سے کردار ادا کرنے کی اپیل کی ہے۔

ایم کیو ایم کے قائد الطاف حسین نے سینیٹ الیکشن کے حوالے سے پیدا ہونے والی صورتحال پر تشویش کا اظہار کرتے ہوئے کہا ہے کہ سپریم کورٹ آگے بڑھے اور ملک کو اس صورتحال سے نکالنے کیلئے کردار ادا کرے، سینیٹ الیکشن کے طریقۂ کار پر سیاسی جماعتوں میں تنازعات پیدا ہو رہے ہیں۔

الطاف حسین کا کہنا ہے کہ ملک اس وقت امن و امان، سیکیورٹی اور معاشی مشکلات کا شکار ہے، داعش اور طالبان نے پاکستان کو ایک جنگ کی جانب دھکیل دیا ہے جبکہ پاکستانی عوام مہنگائی ،پیٹرول بحران اور بجلی کی لوڈ شیڈنگ جیسے مسائل کا سامنا کر رہی ہے جبکہ صنعت کار پاکستان چھوڑ کر جارہے ہیں ۔

الطاف حسین کا مزید کہنا تھا کہ آج تک نہ بلدیاتی الیکشن ہوئے ہیں ا ور نہ مردم شماری ،جمہوریت کے دعوے کرنے والے بتائیں کہ بلدیاتی الیکشن کے بغیر کون سی جمہوریت ہوتی ہے۔

Print Friendly, PDF & Email

Comments

comments

یہ بھی پڑھیں