The news is by your side.

Advertisement

الطاف حسین کا شیخ رشید احمد سے ٹیلی فونک رابطہ

کراچی: متحدہ قومی موومنٹ کے قائد الطاف حسین اور عوامی مسلم لیگ کے سربراہ شیخ رشید احمد کے مابین گزشتہ 24 گھنٹوں میں دو مرتبہ ٹیلی فونک رابطہ ہوا،گفتگو کے دوران دونوں رہنماوٴں نے ملک کی موجودہ سیاسی صورتحال اور اسلام آباد میں آئندہ چند روز میں ہونے والے اجتماعات سمیت دیگر اہم سیاسی امور پر تفصیلی تبادلہ خیال کیا، دریں اثناء پاکستان پیپلزپارٹی اوورسیز کے پریذیڈنٹ رحمان ملک نے بھی ایم کیوایم کے قائد الطاف حسین سے فون پر رابطہ کیا اور ان سے ملک کی مجموعی سیاسی صورتحال پر تبادلہ خیال کیا۔

دوسری جانب متحدہ قومی موومنٹ نے ملک کی موجودہ سیاسی صورتحال کے پیش نظر رابطہ کمیٹی نے ایم کیوایم کے تمام پارلیمانی گروپ کا ہنگامی اجلاس طلب کرلیاہے،اجلاس سے ایم کیوایم کے قائد الطاف حسین بھی ٹیلی فون پر خطاب کریں گے،یہ اجلاس کل بروز بدھ پاکستانی وقت کے مطابق شام 4 بجے خورشید بیگم میموریل سیکریٹریٹ عزیزآبادمیں منعقد ہوگا، اس سلسلے میں ایم کیوایم حق پرست اراکین سینیٹ اور قومی اسمبلی کو فوری طور پر اسلام آباد سے کراچی طلب کرلیا گیا ہے،اجلاس میں اراکین سینیٹ اور قومی اسمبلی کے علاوہ رابطہ کمیٹی کے اراکین، حق پرست اراکین سندھ اسمبلی اورسینٹرل ایگزیکٹوکونسل کے اراکین بھی شریک ہوں گے۔

Print Friendly, PDF & Email

Comments

comments

یہ بھی پڑھیں