الطاف حسین کا کراچی آپریشن پر عوامی ریفرنڈم کرانے کا مطالبہ -
The news is by your side.

Advertisement

الطاف حسین کا کراچی آپریشن پر عوامی ریفرنڈم کرانے کا مطالبہ

 لندن : متحدہ قومی موومنٹ کے قائدالطاف حسین نے رینجرزکےمعاملے پرریفرنڈم کرانے کامطالبہ کردیا ہے۔

متحدہ قومی موومنٹ کے قائد الطاف حسین نے کراچی آپریشن پر عوامی ریفرنڈم کا مطالبہ کردیا، الطاف حسین نے کہا سپریم کورٹ اور ہائی کورٹ کے ججز پر مشتمل پنچ رکنی کمیٹی تشکیل دی جائے جو رینجرزکے اقدامات اورآپریشن پر عوامی ریفرنڈم کرائے۔

متحدہ کے قائد نے کہا کہ شہر میں رینجرز کے متعلق عوام کا مینڈیٹ حاصل کرنے میں کیا خرابی، ایم کیوایم کے قائدنے عبدالقادر بلوچ کے بیان کو بے بنیاد قراردیاہے جس میں انہوں نے کہاکراچی میں عوام میں اکثریت رینجرزآپریشن کے حق میں ہے۔

انہوں نے کہا کہ رینجرز کے کراچی آپریشن پر عوامی ریفرنڈم سے سچ اور جھوٹ کا فیصلہ ہوسکے گا اور عوامی حمایت کے معیار کوبھی جانچا جاسکے گا۔

یاد رہے کہ وفاقی حکومت کے نمائندے سابق لیفٹیننٹ جنرل عبدالقادر بلوچ نے اپنے بیان میں کہا تھا کہ کراچی کے عوام کی اکثریت رینجرز کے آپریشن کے حق میں ہے اور کراچی آپریشن عوام کی اکثریت کی خواہشات کے مطابق کیاجارہا ہے، جس کو جھوٹا ، بے بنیاد اور حقائق کے بر خلاف قرار دیا ہے ۔

اس سے قبل ایم کیوایم کے قائد الطاف حسین نے کہا ہے کہ رینجرز نے سیکٹرانچارجز اور یونٹ انچارجز کو گرفتارکرنے کا اعلان کیا ہے، وزیرِاعلی سندھ خاموش رہے تشدد، ماورائےعدالت قتل کے خلاف وزیراعلیٰ ہاوٴس کے سامنے پر امن دھرنا دیں گے۔

الطاف حسین مطالبہ کیا کہ قائم علی شاہ اور سندھ اسمبلی رینجرز کو صوبے سے ہٹانے کے لئے بل پاس کریں، الطاف حسین نے ایف آئی اے کو پولیس کے اختیارات دینے کی مذمت کرتے ہوئے کہا کہ ایف آئی اے کے خصوصی اختیارات کل نواز شریف کے خلاف ہی استعمال ہوں گے۔

Comments

comments

یہ بھی پڑھیں