الطاف حسین کے خلاف 100سے زائد مقدمات درج -
The news is by your side.

Advertisement

الطاف حسین کے خلاف 100سے زائد مقدمات درج

کراچی : ایم کیو ایم کے قائد الطاف حسین کے خلاف مقدمات کا اندرون سندھ سے شروع ہونےوالا سلسلہ پورے ملک کا چکر کاٹ کر کراچی پہنچ گیا ، جہاں مختلف تھانوں میں مقدمات کی درخواستیں جمع کر ادی گئیں۔

عسکری قیادت پر تنقید کے خلاف الطاف حسین سمیت ایم کیو ایم کے پچیس رہنماؤں پر کراچی میں پرچے کٹ گئے، ایم کیو ایم قائد کے خلاف ملک بھر میں مقدمات کی تعداد سو سے تجاوز کر گئی۔

ایم کیو ایم کیخاف کراچی میں بھی مقدمات کا آغاز ہوگیا، شہر کے چھ تھانوں میں ایف آئی درج کرلی گئیں، جن میں متحدہ قومی موومنٹ کے قائد سمیت چوبیس رہنماؤں کو نامزد کیا گیا، الطا ف حسین کے خلاف کراچی میں پہلا مقدمہ درخشاں تھانے میں پی ٹی آئی نے کرایا۔

اب تک کراچی کے مختلف تھانوں میں الطاف حسین سمیت ایم کیو ایم کے تین درجن رہنماؤں کے خلاف مقدمات کیلئے درخواستیں جمع کرائی جا چکی ہیں اور مزید درخواستوں کا سلسلہ جا ری ہے۔

  متنازع تقریر کرنے پر الطاف حسین کے خلاف سندھ میں تیس سے زائد مقدمات درج کیے گئے،ایف آئی آر اشتعال انگیزی، دہشتگردی ایکٹ کے تحت کاٹی گئیں،  اسلام آباد، لاہور سمیت پنجاب کے مختلف شہروں میں بھی الطاف حسین پر پرچے کٹ گئے، صوبے میں الطاف حسین کو پچاس سے زائد مقدمات میں نامزد کیا گیا۔

  کوئٹہ میں دو مقدمات سمیت بلوچستان بھر میں الطاف حسین کے خلاف دس سے زائد مقدمات درج کرائےگئے،خیبر پختونخوا میں پانچ، کشمیر اور گلگت بلتستان میں بھی الطاف حسین کے خلاف متعددایف آئی آر کاٹی جاچکیں ہیں۔

پی ٹی آئی کی درخواست کے بعد ایم کیوا یم نے بھی پی ٹی آئی کے سربراہ عمران خان کے خلاف سفارتی اور غیر سفارتی کارروائی شروع کر دی ہے۔

Comments

comments

یہ بھی پڑھیں