الطاف حسین کی ایف سی چیک پوسٹ پر دہشتگرد حملے کی مذمت -
The news is by your side.

Advertisement

الطاف حسین کی ایف سی چیک پوسٹ پر دہشتگرد حملے کی مذمت

لندن :متحدہ قومی موومنٹ کے قائد الطاف حسین نے لورالائی میں ایف سی کی چیک پوسٹ پر دہشتگردوں کے حملے کی مزمت کرتے ہوئے حملے میں اہلکاروں کی شہادت پر دلی افسوس کا اظہار کیا ہے۔

الطاف حسین کا ایف سی پر حملے کی مذمت کرتے ہوئے کہنا تھا کہ انتہا پسند عناصر نے پاکستان کیخلاف باقاعدہ جنگ چھیڑ رکھی ہے، ملک بھر میں سیکورٹی فورسز اور عوام کو مسلسل دہشت گردی کا نشانہ بنا رہے ہیں۔

ان کا کہنا تھا کہ دہشت گرد عناصر اس طرح کی کاروائیوں کے ذریعے پاک فوج کی کاروائیوں کو ناکام بنانا چاہتے ہیں، وقت آگیا ہے کہ پوری قوم متحد ہوجائے اور دہشت گردوں کے ناپاک عزائم کو ناکام بنا دے۔

یاد رہے کہ لورالائی کے علاقے میختر میں چیچلو چیک پوسٹ پر دہشتگردوں نے رات گئے حملہ کرکے اندھا دھند فائرنگ کی، جس کے بعد سیکورٹی فورسز اور حملہ آوروں کے درمیان فائرنگ کا تبادلہ ہوا۔

جس  کے نتیجے میں سات سیکورٹی اہلکار جاں بحق ہوگئے جبکہ حملہ آور بھی زخمی ہوئے، چیک پوسٹ عملے کی حفاظت کے لئے نفری طلب کی گئی تو دہشتگردوں نے ان پر بھی حملہ کردیا۔

فورسز کی شدید جوابی کارروائی کے نتیجے میں حملہ آور پسپا ہوکر زخمی حالت میں فرار ہوگئے، جن کی تلاش کے لئے ایف سی نے ڈی جی خان روڈ کو بند کرتے ہوئے علاقے میں ہیلی کاپٹر اور سرغ رساں کتوں کی مدد سے سرچ آپریشن شروع کردیا ہے۔

Comments

comments

یہ بھی پڑھیں