The news is by your side.

Advertisement

الطاف حسین کی تقریر، سیاسی ومذہبی جماعتوں کے رہنماؤں کا شدید ردِعمل

اسلام آباد: ایم کیوایم کے قائد الطاف حسین کے متنازعہ بیان پر سیاسی ومذہبی جماعتوں کے رہنما برس پڑے، کسی نے الطاف حسین کو نفیساتی مریض کہا تو کسی نے ان کی حب الوطنی پر شک کیا۔

ایم کیوایم کے قائد الطاف حسین کا ایک اور متنازعہ بیان ان کے گلے پڑ گیا، مختلف سیاسی ومذہبی جماعتوں نے الطاف حسین کے بیان پر انہیں آڑے ہاتھوں لیا، امیرجماعت اسلامی سراج الحق نے الطاف حسین کو نفسیاتی مریض قرار دے دیا۔

اپوزیشن لیڈر خورشید شاہ نے کہا کہ کوئی محب وطن ایسا بیان دے ہی نہیں سکتا، اے این پی کے رہنماء حاجی عدیل نے کہا کہ بھارت بھی اس بات کی اجازت نہ دے کوئی شخص وہاں سے پاکستان کے خلاف بات کرے۔

وزیرِاعلی پرویز خٹک نے الطاف حسین کے بیان کی شدید مزمت کرتے ہوئے عدالت عالیہ سے سوموٹو ایکشن لینے کی اپیل کردی۔

دیگرسیاسی جماعتوں نے الطاف حسین کی تقاریر کو پاک فوج کے خلاف اور آئین کی توہین قرار دیا ہے۔

Comments

comments

یہ بھی پڑھیں