الطاف حسین کی سالگرہ کے موقع پر ہفتہ کولندن میں اجتماع ہوگا -
The news is by your side.

Advertisement

الطاف حسین کی سالگرہ کے موقع پر ہفتہ کولندن میں اجتماع ہوگا

لندن : ایم کیوایم کے قائد الطاف حسین کی اکسٹھویں سالگرہ کے سلسلے میں ہفتہ کو لندن میں اجتماع ہوگا، الطاف حسین نے جامعہ کراچی کے استاد پروفیسر ڈاکٹر شکیل اوج کے قتل کی مذمت کی ہے۔

الطاف حسین کی سالگرہ کے سلسلے میں لندن میں ہفتہ کو اجتماع ہوگا، جس سے الطاف حسین خطاب کریں گے، یہ اجتماع لندن کے سنگم کمیونٹی سینٹر واقع برنٹ اوک ایجویئر میں شام چھ بجے ہوگا۔

اجتماع میں مقامی فنکاراپنے فن کا مظاہرہ کریں گے اور پاکستان کے سیلاب متاثرین کی امداد کے لئے عطیات جمع کئے جائیں گے۔

ایم کیو ایم کے قائد نے کراچی میں جامعہ کراچی کے اسلامک اسٹڈیز کے ڈین پروفیسر ڈاکٹر شکیل احمد اوج کے قتل کی مذمت کرتے ہوئے کہا کہ دہشت گردوں نے پروفیسر ڈاکٹر شکیل احمد اوج کو قتل کرکے قوم کو ایک مذہبی اور علمی شخصیت سے محروم کردیا ہے۔

ان کا کہنا تھا کہ پروفیسر ڈاکٹر شکیل احمد اوج کا بہیمانہ قتل قوم کا بڑا نقصان ہے، الطاف حسین کا کہنا تھا کہ ڈاکٹر شکیل اوج کا قتل انتظامیہ اور قانون نافذ کرنے والے اداروں کی بے حسی اور مجرمانہ غفلت کا نتیجہ ہے۔

Comments

comments

یہ بھی پڑھیں