لاہور : پنجاب بار کونسل نے قومی سلامتی اداروں کے خلاف بیان بازی پر ایم کیو ایم کے قائد الطاف حسین کے خلاف فوری کارروائی کا مطالبہ کیا ہے۔
پاک فوج کے خلاف الطاف حسین کے بیان پر پنجاب بار کونسل کی جانب سے ہنگامی اجلاس طلب کیا گیا، جس کی صدارت وائس چیئرمین فرخ اعجاز بیگ نے کی۔
پنجاب بارکونسل کے اجلاس میں الطاف حسین کےخلاف مذمتی قرارداد بھی منظور کی گئی۔ پنجاب بار کونسل نے وفاقی حکومت سے مطالبہ کیا کہ الطاف حسین کے خلاف فوری قانونی کاروائی کی جائے۔
فرخ اعجاز بیگ کا اس موقع پر کہنا تھا کہ پاک فوج کےخلاف کسی قسم کی بیان بازی برداشت نہیں کریں گے اور سب پاک فوج کے شانہ بشانہ کھڑے ہیں۔