site
stats
انٹرٹینمںٹ

الفا،براوو،چارلی‘ کے کردارکیپٹن کاشف کا بیٹا جل کرجاں بحق’

شکاگو: دس سالہ پاکستانی نژاد بچہ اپارٹمنٹ میں لگنے والی آگ کے نتیجے میں جل کر جاں بحق ہوگیا ہے۔

ذرائع کے مطابق پیر کی صبح کِمبل ایوینیو میں واقع اپارٹمنٹ میں آگ بھڑک اٹھی جس سے عمارت میں خوف و ہراس پھیل گیا

پاکستانی قونصل جنرل کے مطابق بچے کے والدین نے اپنی جان بچانے کے لئے عمارت کی چوتھی منزل سے چھلانگ لگادی جس کے نتیجے میں دونوں شدید زخمی ہوگئے ، دونوں تاحال اسپتال میں ہیں اور ان کی حالت نازک بتائی جارہی ہے۔

انہوں نے بتایا کہ اپارٹمنٹ میں آگ امریکی وقت کے مطابق رات تین بجے کے قریب لگی اور جب ریسکیو اہلکار بچے تک پہنچے تو وہ زخموں کی تاب نہ لاتے ہوئے جاں بحق ہوچکا تھا۔ اس کے علاوہ کم سے کم 11 لوگ اس حادثے میں زخمی بھی ہوئے ہیں۔

حادثے میں جاں بحق ہونے والے بچے کی شناخت مشہورِ زمانہ پاکستانی ٹی وی سیریل ’’الفا، براوو، چارلی‘‘ میں کیپٹن کاشف کرمانی کا کردار ادا کرنے والے پاکستان آرمی کے ریٹائر افسر کیپٹن عبداللہ محمود کے بیٹے کی حیثیت سے ہوئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top