اسلام آباد: الیکشن کمیشن نے آئندہ ماہ وفاقی دارالحکومت اسلام آباد میں منعقد ہونے والے بلدیاتی انتخابات کا ضابطہ اخلاق جاری کردیاہے۔
ضابطۂ اخلاق کے مطابق جلسے جلوسوں پرپابندی عائد رہے گی جبکہ امیدوارمقامی انتظامیہ کی اجازت سے کارنرمیٹنگزکرسکیں گے۔
حکومتی لیڈران اور افسران بالواسطہ یا بلاواسطہ کسی بھی انتخابی مہم میں حصہ نہیں لیں گے اور نہ ہی کسی یونین کونسل کا دورہ کریں گے اور نہ ہی کسی ترقیاتی منصوبے کا اعلان کریں گے۔
دریں اثنا کاغذاتِ نامزدگ کی جانچ پڑتال منگل 30 جون تک جاری رہے گی۔
الیکشن کمیشن کے مطابق کل 4،190 امیدواروں نے کاغذات ِ نامزدگی جمع کرائے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں