site
stats
پاکستان

الیکشن کمیشن نے دھاندلی کے الزامات مسترد کردئے

اسلام آباد: الیکشن کمیشن آف پاکستان نے مئی 2013 کے انتخابات کو شفاف قرار دے دیا جبکہ سابق ایڈیشنل سیکرٹری الیکشن کمیشن افضل خان اور پاکستان تحریک انصاف کے سربراہ عمران خان کی جانب سے لگائے گئے دھاندلی کے الزامات بھی غلط قرار دے دئے۔

قائم مقام چیف الیکشن کمشنرجسٹس انورظہیرجمالی کی زیرصدارت الیکشن کمیشن کا اجلاس ہوا جس میں دھاندلی کے الزامات کا جائزہ لیا گیا۔ الیکشن کمیشن کے اجلاس میں افضل خان کے آڈیو بیانات کا جائزہ لیا گیا۔

اجلاس میں کہا گیا کہ افضل خان نے ذاتی عناد کی بنا پرالزامات لگائے ہیں ان کے پاس دھاندلی سے متعلق ثبوت نہیں کیونکہ عام انتخابات سے متعلق مبصرین کی رپورٹس موجود ہیں جن میں انتخابی عمل پراعتماد کا اظہارکیا گیا ہے جبکہ الیکشن کمیشن کے پاس بھی تمام انتخابی ریکارڈ اورتفصیلات موجود ہیں۔

الیکشن کمیشن کے مطابق ریٹرننگ افسران سیاسی جماعتوں کی درخواست پرعدلیہ سےلئےگئےتھےِ جبکہ بیلٹ پیپرز کی چھپائی فوج کی نگرانی میں کی گئی اور فوج کی ہی نگرانی میں متعلقہ پولنگ اسٹیشن پر پہنچایاگیا۔

پرنٹنگ کارپوریشن نے ارکان کو آگاہ کیا کہ بیلٹ پیپرز پر نمبرزلگانےکیلئےپولیس کی تحویل میں بائیس افراد لاہور سےآئے اور باقی ماندہ بیلٹ پیپرز کو جلادیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top