الیکٹرانک ٹی بیگ سے لمحوں میں چائے تیار -
The news is by your side.

Advertisement

الیکٹرانک ٹی بیگ سے لمحوں میں چائے تیار

اچھی چائے کا کپ انسان کے اندر چستی اور تازگی پیدا کردیتا ہے لیکن چائے بنانے کے لئے مہارت اور وقت درکار ہوتاہے۔ اس کا حل بھارتی طالبہ نے الیکٹرانک ٹی بیگ بنا کر نکال لیا ہے۔

اس آلے کو تیار کرنے والے ڈیزائنرپونے کی 22 سالہ بھارتی طالبہ اوتارا گھوٹکے نے’ مائی چائے‘ کا نام دیا ہے، ان کا کہنا ہے کہ ٹھنڈے پانی کے کپ میں اسے رکھیں اور بٹن دبادیں، بٹن دباتے ہی ٹی بیگ میں موجود چائے کے پتے فوری طور پر حل ہونا شروع ہوجایئں گے اور  بس چند لمحوں میں چائے تیار ہو جائے گی۔

اب چائے لمحوں میں تیار کی جاسکتی ہے اور اس کا طریقہ بھی آسان ہے، ٹی بیگ کی تہہ میں اپنی مرضی کی چائے کی پتی رکھیں، ٹی بیگ کو چائے کے کپ میں ڈالیں اور بیگ کو بیٹری کے ساتھ منسلک کرکے اسے آن کر دیں۔

الیکٹرانک ٹی بیگ میں بیٹری لگائی گئی ہے جو اس کو چارج کرتی ہے اس لیے  آپ اسے جیب اور ہینڈ بیگ میں رکھ سکتے ہیں اور جب اور جہاں دل کرے اسے نکالیں اور چائے تیارکر لیں جبکہ بیٹری کو ری چارج کرنے سے قبل اس سے 3 سے 4 کپ تیار کر سکتے ہیں۔

ٹی بیگ اور بیٹری کا سائز اس قدر چھوٹا ہے کہ اسے جیب یا ہینڈ بیگ میں رکھ کر کہیں بھی لےجایاجاسکتا ہے۔

ٹی بیگ کے ساتھ لگا ہوا تھرموالیکٹرک میٹریل پانی کو مطلوبہ درجہ حرارت پر گرم کردیتا ہے اور بیگ میں موجود چائے کی پتی فوری طور پر حل ہونا شروع ہوجاتی ہے, جس کے کچھ ہی لمحوں بعد مزیدار چائے تیار ہوجاتی ہے۔

بلیک ٹی 88 ڈگری پر تین منٹ میں تیارہوجاتی ہے جبکہ سبز چائے کو تیار کرنے میں صرف دو منٹ لگتے ہیں۔

گھوٹکے کا کہنا ہے کہ اسے اس ڈیوائس کو تیار کرنے میں 2 سال کا عرصہ لگا جبکہ اس کی قیمت 35 پاونڈز ہے۔

Comments

comments

یہ بھی پڑھیں