site
stats
عالمی خبریں

امریکا:حارث سلیمان کے طیارے کا ملبہ مل گیا

کیلی فورنیا : پوری دنیا کا چکر لگانے کے خواہش مند سترہ سالہ حارث سلیمان کے طیارے کا ملبہ مل گیا ہے جبکہ بلیک باکس کی تلاش جاری ہے۔

سترہ سال کے پاکستانی نژاد امریکی نوجوان حارث سلیمان کے طیارے کوحادثہ پیش آئے دو روز ہوگئے، انہوں نےامریکی جزیرے ساموا کے ہوائی اڈے سے اڑان بھری تھی، سترہ گھنٹے کی دوری پر ریاست کیلی فورنیالیکن ٹیک آف کے دو منٹ کے بعد ہی ان کا سنگل انجن طیارہ بحر الکاہل میں گر کر تباہ ہوگیا۔

امدادی اداروں نے حارث سلیمان کی لاش تو نکال لی لیکن ان کے والد کی تلاش اب تک کامیابی نہیں ہوسکی، جبکہ بلیک باکس بھی اب تک نہیں مل سکا۔

امریکی ریاست انڈیانا میں حارث سلیمان کی بہن حبا سلیمان کا کہنا تھا کہ ان کے والد اور بھائی دونوں ہی سنگل انجن طیارے پر اتنے طویل سفر کے خطرات سے آگاہ تھے اور کسی بھی حادثے سے نمٹنے کی انہوں نے باقاعدہ تربیت بھی لی تھی لیکن قسمت نے شاید ساتھ نہ دیا۔

امریکی ایوی ایشن نے حادثے کی تحقیقات کا اعلان کر رکھا ہے، جس کے بعد ہی واقعے کی اصل وجوہات سامنے لائی جاسکیں گی، اس حادثے نے صرف حارث کو ہی ہم سے جدا نہیں کیا،بلکہ ان خوابوں کی تعبیر بھی چھین لی جو اس نے نادار پاکستانی بچوں کی تعلیم کے لیے دیکھا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top