امریکا اور عالمی طاقتیں جنیوا معاہدے کی پاسداری کریں،حسن روحانی -
The news is by your side.

Advertisement

امریکا اور عالمی طاقتیں جنیوا معاہدے کی پاسداری کریں،حسن روحانی

ایرانی صدر حسن روحانی نے کہا ہے کہ امریکہ اور عالمی طاقتیں جنیوا معاہدے کی پاسداری کرتے ہوئے مزید پابندیاں لگانے سے دستبردارہو جائیں۔

سماجی رابطے کی ویب سائٹ ٹوئٹر پر اپنے ایک پیغام میں ایرانی صدر حسن روحانی کا کہنا تھا کہ جوہری پروگرام پر عالمی طاقتوں سے معاہدہ ایرانی قوم کے وسیع تر مفاد میں کیا۔

انہوں نے کہا کہ معاہدے کے تحت جس طرح ایران چھ ماہ میں یورنیم کی افزدوگی میں کمی اور اقوام متحدہ کی انسپکشن ٹیم کو اپنےجوہری پلانٹ کا معائنہ کرانے کا پابند ہے، اسی طرح عالمی طاقتیں بھی ایران پر عائد اقتصادی پابندیوں میں نرمی اور چھ ماہ تک مزید کوئی پابندی لگانے کی مجاز نہیں ہونگی۔

انہوں نے کہا کہ امریکی سینٹرز کیجانب سے کانگریس میں ایران پر مزید پابندیاں عائد کرنیکا مطالبہ جنیوا معاہدے کی خلاف ورزی ہے، جس پر ایران کو سخت تشویش ہے۔

Comments

comments

یہ بھی پڑھیں