site
stats
عالمی خبریں

امریکا :شمال مشرقی ریاستوں میں درجہ حرارت منفی40تک گرگیا

امریکا کی شمال مشرقی ریاستوں میں سرد موسم نے بیس سال کے تمام ریکارڈ توڑ دیئے ہیں، شدید ترین سردی کے باعث منفی چالیس سینٹی گریڈ تک گرگیا۔

امریکا میں کڑاکے کے سردی پڑ رہی ہے، کئی ریاستوں میں درجہ حرارت  منفی چالیس سینٹی گریڈ تک گر گیا ہے، زمینی راستے بند اور فضائی سفر کا نظام درہم برہم ہوگیا ہے، ایک ہزار سے زائد پروازیں منسوخ ، چھ ہزار سے زائد تاخیر کا شکار ہوئی ہیں، برف باری اور یخ بستہ ہواؤں کے باعث انتظامیہ نے اسکول بند کردئیے ہیں۔

امریکی محکمہ موسمیات کا کہنا ہے کہ امریکی شمال مشرقی ریاستوں میں شدید ترین سرد موسم نے گزشتہ بیس سال کے تمام ریکارڈ توڑ دئیے ہیں، اوہائیو، وسکونسن، شکاگو، شمالی اور جنوبی ڈکوٹا سمیت دیگر ریاستوں میں شدید برف باری نے لوگوں کو جما دیا ہے۔

امریکا کے پڑوس کینیڈا میں بھی صورت حال مختلف نہیں، ہر جانب برف باری کے ساتھ سردی اپنے جوبن پر ہے ، ٹورنٹو میں درجہ حرارت منفی چونتیس تک گرچکا ہے، برطانوی دارالحکومت لندن میں شہری سیلاب کے بعد کی صورت حال سے پریشان ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top