site
stats
عالمی خبریں

امریکا: فائرنگ کے مختلف واقعات، 4افراد ہلاک، 6زخمی

واشنگٹن: امریکا میں فائرنگ کے مختلف واقعات میں چار افراد ہلاک اور چھ زخمی ہوگئے ہیں۔

امریکی ریاست واشنگٹن کے قصبے میرلز ویل کے ہائی اسکول میں مسلح شخص نے اندھا دھند فائرنگ کردی، جس کے نتیجے میں ایک طالبہ ہلاک جبکہ چار طلبہ زخمی ہو گئے، فائرنگ کے بعد مسلح شخص نے خودکشی کرلی۔

واقعے کے بعد پولیس نے اسکول خالی کروالیا جبکہ زخمیوں کو اسپتال منتقل کردیا گیا ہے۔

پولیس حکام کے مطابق مسلح شخص نویں جماعت کا طالبعلم تھا، جس نے جذبات میں آکر اپنی ساتھی طالبعلم کو قتل کرنے کے لیے فائرنگ کی۔

دوسری جانب ریاست کیلی فورنیا میں فائرنگ سے زخمی ہونے والا پولیس اہلکار دم توڑ گیا، گزشتہ روز لاس اینجلس میں ایک مسلح شخص پولیس پر فائرنگ کرتا ہوا فرار ہوگیا۔ فائرنگ سے ایک پولیس اہلکار موقع پر ہلاک جبکہ ایک زخمی ہوگیا تھا، پولیس نے کارروائی کرتے ہوئے مبینہ ملزم کو گرفتار کرلیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top