واشنگٹن، ورجینیا کے مسلمانوں کا عید کی چھٹیوں کا مطالبہ -
The news is by your side.

Advertisement

واشنگٹن، ورجینیا کے مسلمانوں کا عید کی چھٹیوں کا مطالبہ

نیویارک:  امریکا کے شہر نیو یارک میں عید کی چھٹیوں کے اعلان کے بعد واشنگٹن، ورجینیا اور میری لینڈ کی ریاستوں میں مسلمانوں نے عید کے موقع پر سرکاری چھٹیاں دینے کا مطالبہ کر دیا ہے۔

نیو یارک سٹی کے مئیر بل دی بلاسیو نے عید الفطر اور عید الاضحیٰ کے موقع پر پبلک اسکولوں میں سرکاری چھٹیاں کیلنڈر میں شامل کرنے کا اعلان کر دیا تھا، اس فیصلے کو نہ صرف مسلم کمیونٹی بلکہ دیگر مذاہب سے تعلق رکھنے والے افراد کی جانب سے بھی پذیرائی حاصل ہورہی ہے۔

امریکی دارالخلافہ واشنگٹن اور اس سے ملحقہ ریاستوں میری لینڈ اور ورجینیا کے مسلمان بھی چاہتے ہیں کہ عید کے موقع پر یہاں پر بھی سرکاری چھٹیوں کا اعلان کیا جائے۔

ورجینیا اور میری لینڈ میں مختلف ممالک سے تعلق رکھنے والے ہزاروں مسلمان رہائش پذیر ہیں، جنہیں عید کے تہوار کے موقع پر بھی اپنے بچوں کو اسکول اور خود نوکریوں پر جانا پڑتا ہے۔

عید کے تہوار پر سرکاری چھٹیوں کے اعلان سے ان کی عید کا مزا دوبالا ہوسکتا ہے۔

Comments

comments

یہ بھی پڑھیں