واشنگٹن: امریکی محکمہ خزانہ نے طالبان کے سینئررہنما مولوی عبدالرشید بلوچ عالمی دہشت گرد قراردے دیا، مولوی عبدالرشید کو افغان حکام نے ایک سال قبل گرفتار کیا تھا۔
محکمہ خزانہ کے مطابق عبدالرشید افغانستان کے صوبہ نمروزمیں طالبان کے قائم مقام گورنرکے فرائض انجام دے رہا تھا جہاں اس نے بم دھماکے اور خودکش حملے کرنے والے دہشت گردوں کی مدد کی تھی۔
محمکہ کا کہنا ہے کہ 2013 کے وسط میں امریکی فوجی کی ہلاکت میں استعمال ہونے والی بہتر ڈیوائس کے پیچھے بھی عبدالرشید تھا۔
عبدالرشید پر یہ بھی الزام ہے کہ اس نے پوست کی کاشت کرنے والوں کو تحفظ فراہم کرکے بدلے میں طالبان کے لئے فنڈ اکھٹا کیا۔
عالمی سطح پردہشت گرد قرار دئیے جانے کا مطلب ہے کہ امریکہ کی حدود میں عبدالرشید کی کسی بھی قسم کی جائیداد ضبط کرلی جائے گی اور کوئی بھی امریکی شہری اس سے کسی بھی قسم کا ربط نہیں رکھ سکے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں