site
stats
اہم ترین

امریکہ بھارت کو پاکستان کے ساتھ بات چیت پر آمادہ کرے، جلیل عباس جیلانی

نیویارک : امریکہ میں تعینات پاکستانی سفیر جلیل عباس جیلانی کا کہنا ہے کہ بھارت پاکستان کی طرف سے خیرسگالی کے تمام اقدامات نظر انداز کرتا رہا ہے۔

امریکی اخبار کو انٹرویو دیتے ہوئے پاکستان سفیر جلیل عباس جیلانی کا کہنا تھا کہ امریکہ کو چاہیے کہ بھارت کو بات چیت پر آمادہ کرے، اوباما انتظامیہ اگر چاہے تو جنوبی ایشیا میں قیام امن کیلئے زیادہ مؤثر اقدامات کر سکتی ہے، پاکستان نے دہشت گردی کیخلاف اقدامات کی بھارت کو کئی بار پیشکش کی مگر جواب نہیں ملا، بھارت کا رویہ تکبرانہ ہے۔

جلیل عباس جیلانی کا کہنا تھا کہ امریکہ کو چاہیے کہ بھارت کا رویہ تبدیل کرنے میں اپنا اثر و رسوخ کا استعمال کرے۔

جلیل عباس جیلانی کے مطابق اوباما انتظامیہ کی بھارت سے قربت نیو دہلی کے رویے میں نرمی کے بجائے سختی لارہی ہے، بھارت سمجھتا ہے کہ وہ ایک بڑا ملک ہے اسکو پاکستان جیسے چھوٹے ملک سے بات چیت کی کیا ضرورت ہے۔

جلیل عباس جیلانی نے مزید کہا کہ پاک امریکہ تعلقات دو ہزار گیارہ کے مقابلے میں اب بہت بہتر ہوگئے ہیں، پاک امریکہ تعلقات میں بہتری کے افغانستان میں مثبت اثرات مرتب ہوئے ہیں، امریکہ کے انخلاء کے بعد بھی افغانستان میں استحکام برقرار رہے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top