امریکہ کے ساتھ تعلقات مسلسل بہتری کی جانب گامزن ہیں،جلیل عباس جیلانی -
The news is by your side.

Advertisement

امریکہ کے ساتھ تعلقات مسلسل بہتری کی جانب گامزن ہیں،جلیل عباس جیلانی

واشنگٹن:امریکا میں پاکستانی سفیرجلیل عباس جیلانی کا کہنا ہے کہ امریکہ کے ساتھ تعلقات مسلسل بہتری کی جانب گامزن ہیں، انہوں نے کہا کہ کنٹرول لائن پر خلاف ورزیوں سے بھارت سے تعلقات کشیدہ ہوئے۔

پاک امریکہ فورم سے خطاب میں جلیل عباس جیلانی نے کہا کہ امریکہ کے ساتھ معاشی تعلقات کو مزید فروغ دینا چاہتے ہیں، جس کے لئے مشترکہ ورکنگ گروپ قائم کرنے کا بھی فیصلہ کیا گیا ہے۔

پاکستانی سفیر کا کہنا تھا کہ پاکستان میں جمہوری اقتدار کی منتقلی کے بعد پاک امریکہ تعلقات مستحکم ہوئے ہیں، انھوں نے کہا کہ فاٹا میں دہشتگروں کےخلاف آپریشن خطے کے حالات کوبہتر کریگا۔

جلیل عباس جیلانی کا کہنا تھا کہ پاکستان بھارت کے ساتھ امن وامان کی فضا قائم رکھنا چاہتا ہے تاہم بھارت کی طرف سے کنٹرول لائن پر حالیہ خلاف ورزیوں سے دونوں ممالک کے درمیان تعلقات کشیدہ ہوئے ہیں۔

Comments

comments

یہ بھی پڑھیں