site
stats
عالمی خبریں

امریکی نیوی آج بھی فرسودہ ونڈوزایکس پی استعمال کررہی ہے

امریکی نیوی تاحال مائیکروسافٹ ونڈوزایکس پی استعمال کررہی ہے حالانکہ ایکس پی کے بعد بھی ونڈوز کے چار نئے ورژن سامنے آچکے ہیں۔اس متروک شدہ آپریٹنگ سسٹم کو استعمال کرنے کے لئے مائیکروسافٹ کو سالانہ 9 ملین امریکی ڈالرادائیگی کررہاہے۔

مائیکروسافٹ نے گزشتہ سال ونڈوز ایکس پی کی اپڈیٹ اور ٹیکنیکل سپورٹ مہیا کرنا بند کردی تھی جس کے سبب وہ تمام ادارے جو کہ ایکس پی کو ترک کرنا نہیں چاہتے وہ خطرے کی زد میں آگئے ہیں۔ ایسے تمام صارفین کے لئے مائیکروسافٹ نے فیصلہ کیا ہے کہ ان کے لئے قیمتاً اپڈیٹ کا سلسلہ جاری رکھا جائے گا۔

امریکی نیوی نے بھی سالانہ 9 ملین امریکی ڈالر کے عوض مائیکروسافٹ ونڈوزایکس پی کی اپڈیٹ حاصل کرنے کا فیصلہ کیا ہے۔

امریکی نیوی کے ترجمان نے غیر ملکی ٹی وی چینل کو اس کی وجہ بتائی کہ نیوی کے زیر استعمال زیادہ ترڈیوائسزاورکمپیوٹر ونڈوز ایکس پی تک سپورٹ کرتے ہیں۔

امریکی نیوی اور مائیکروسافٹ کے درمیان موجود معاہدے کے تحت مائیکروسافٹ امریکی نیوی کو 8 جون 2017 تک ایکس پی کی اپڈیٹ فراہم کرنے کا پابند ہے۔

ترجمان ڈیوس نے مزید کہا کہ سطح زمین پرموجود تمام تر کمپیوٹرز اپ گریڈ کئے جاچکے ہیں لیکن سمندر میں موجود جہازوں اور سب میرینز میں نصب 100،000 تا حال ونڈوز ایکس پی پر انحصار کرتے ہیں جس کی وجہ سے انہیں مائیکروسافٹ سے یہ سہولت لینا پڑے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top