site
stats
عالمی خبریں

امریکی پیشکش سے ایران کی جوہری معاملے میں سنجیدگی ظاہر ہوجائیگی، اوباما

واشنگٹن: صدر باراک اوباما کا کہنا ہے کہ امریکہ اور اس کے اتحادیوں نے ایٹمی پروگرام پر ایران کو ایک نہایت مناسب ڈیل کی پیشکش کی ہے اور اب معلوم ہو جائے گاکہ ایران اس معاملے میں کتنا سنجیدہ ہے ۔

سی بی ایس نیوز کو انٹرویو میں صدر اوباما کا کہنا تھا کہ اگلے ماہ یہ واضح ہوجائے گاکہ ایران اس عمدہ پیشکش کو تسلیم کرتا ہے یا نہیں، ایران کے ساتھ جوہری تنازعہ حل کرنے کے لیے امریکی وزیرِ خارجہ جان کیری پچھلے ہفتے سے مسلسل اتحادیوں کے ساتھ صلاح مشورے میں مصروف اور ان کے تحفظات دور کرنے میں مصروف ہیں ۔

اسرائیلی وزیرِ اعظم بینجمن نتن یاہو نے حال ہی میں امریکی کانگریس سے خطاب کرتے ہوئے امریکہ ایران کے ساتھ ایک نامناسب معاہدے کی طرف بڑھ رہا ہے جس کے نتیجے میں ایک دن وہ ایٹمی ہتھیار بنالے گا۔

ایرانی حکومت اور اس کی سپریم لیڈر شپ کا کہنا ہے کہ وہ صرف پر امن مقاصد کے لیے جوہری پروگرام برقرار رکھنا چاہتے ہیں ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top