The news is by your side.

Advertisement

امریکی کانگریس پرحملے کا منصوبہ بنانے والا گرفتار

اوہائیو: امریکی کانگریس پر حملے کا منصوبہ بنانے والا شخص گرفتار کرلیا گیا، پولیس نے دعوی کیا ہے کہ گرفتار ہونے والے شخص کا تعلق داعش سے ہے۔

امریکی میڈیا کے مطابق امریکی کانگریس کی عمارت پر حملے کی منصوبہ بندی کرنے والے شخص کرسٹوفرکورنیل کو اوہائیو سے گرفتارکیا گیا، گرفتار شخص شدت پسند تنظیم داعش سے متاثر ہے اور داعش کی حمایت میں ٹوئٹ کیا کرتا تھا۔

کرسٹوفر نے دو رائفلیں اور چھ سو کارتوس بھی خرید رکھے تھے۔

ایف بی آئی کی جانب سے ایک عدالت میں جمع کرائی گئی دستاویزات میں انکشاف کیا گیا ہے کہ بیس سالہ کرسٹوفر کورنیل واشنگٹن میں کانگریس کی عمارت پر بموں اور دیگر اسلحے سے لیس ہو کر حملہ کرنا چاہتا تھا اور اس مقصد کیلئے اس نے دیسی بم بنانے کے طریقے پر بھی تحقیق کی، جس کے بعد امریکی تفتیشی ادارے کی جوائنٹ ٹاسک فورس نے اِسے گرفتار کرلیا۔

دوسری جانب گوانتانامو جیل میں قید یمن سے تعلق رکھنے والے پانچ قیدیوں کو بارہ سال بعد رہا کر دیا گیا ہے، پینٹاگون کے مطابق رہائی پانے والے پانچ قیدیوں کی آبادکاری کے لئے چار کو عمان اور ایک کواسٹونیا روانہ کردیا گیا ہے۔

Print Friendly, PDF & Email

Comments

comments

یہ بھی پڑھیں