site
stats
عالمی خبریں

امریکی کانگریس کی خارجہ کمیٹی کا پاکستان پر پابندیوں کا مطالبہ

واشنگٹن : امریکی کانگریس کی امور خارجہ کی کمیٹی نے اوباما انتظامیہ سے پاکستان پر سفری پابندیاں لگانے سمیت پاکستان کے حوالے سے نئی حکمت عملی طے کرنے کا مطالبہ کر دیا ہے۔

امور خارجہ کمیٹی کے چیئرمین ایڈورڈ رائس کی جانب سے وزیرِ خارجہ جان کیری کو لکھے گئے ایک خط میں کہا گیا کہ جن پاکستانی اہلکاروں کے کالعدم تنظیموں سے تعلقات ہیں۔ ان پر بھی فوری طور پر پابندیاں عائد کی جائیں۔

چیئرمین کمیٹی کے مطابق پاکستان نے اب تک لشکرِ طیبہ، لشکرِ جھنگوی اور جیش محمد جیسی تنظیموں کیخلاف کوئی کاروائی نہیں کی جبکہ پاکستان میں ایسی سوچ پائی جاتی ہے کہ کچھ دہشت گرد تنظیموں کو بھارت اور افغانستان کیخلاف استعمال کیا جاسکتا ہے۔

خط میں مزید کہا گیا ہے کہ لشکرِ طیبہ اور جماعت دعوہ جیسی تنظیمیں پابندی کے باوجود آزادانہ کام کر رہی ہیں اور 25 جنوری کو پاکستان میں ہونے والی جماعت دعوہ کی ریلی اسی تھی جیسے حکومت نے منظوری دے رکھی ہو۔

دوسری جانب امریکی محکمہ خارجہ کی ترجمان کا کہنا ہے کہ وزیرِ خارجہ جان کیری امور خارجہ کمیٹی کو اس خط کو جواب بہت جلد دیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top