The news is by your side.

Advertisement

امن واستحکام کے لئے پاکستان اور امریکا ملکر کام کررہے ہیں، جان کیری

واشنگٹن : امریکی وزیرِ خارجہ جان کیری اور وفاقی وزیرِ داخلہ چودھری نثارعلی خان  نے دہشت گردی کے خلاف مشترکہ کوششوں پر اتفاق کیا ہے۔

وفاقی وزیرِ داخلہ چوہدری نثار کا کہنا ہے کہ پاک امریکا تعلقات میں مثبت تبدیلی آئی ہے، جو خوش آئند ہے ۔ امریکی وزیرِ خارجہ جان کیری کا کہنا ہے کہ خطےمیں امن واستحکام کے لئے پاکستان اور امریکا ملکر کام کر رہے ہیں۔

وفاقی وزیرِ داخلہ چوہدری نثار نے امریکی وزیرِ خارجہ سے ملاقات کی، ملاقات کے بعد مشترکہ پریس کانفرنس سے خطاب کرتے ہوئے   جان کیری کا کہنا تھا کہ خطے میں امن واستحکام کےلئے پاکستان اور امریکا ملکر کام کر رہے ہیں، دہشت گردی کےخلاف پاکستان کےاقدامات لائق تحسین ہیں لیکن کامیابی کے لیے ضروری ہے کہ دنیا کو پُرامن قوم کی طاقت دکھائی جائے۔

امریکی وزیرِ خارجہ نے مزید کہا کہ وزیرِاعظم نواز شریف اور آرمی چیف جنرل راحیل  شریف نے دہشت گردی  کے خلاف بہت سے اقدامات کئے ہیں۔ دہشت گردی  کے خلاف امن  پسندوں کو ساتھ ملانا ہوگا، پاکستان کی معیشت اور جمہوریت  کیلئے ملکر کام کرتے  رہیں گے۔

چوہدری نثار کا کہنا تھا کہ پاکستان اور امریکا کو مشترکہ چیلنجز کا سامنا ہے، انسدادِ دہشت گردی کے لئے مؤثر اقدامات کررہے ہیں۔

وفاقی وزیرِ داخلہ کا کہنا تھا انسداد دہشتگردی کے علاوہ معیشت کے شعبوں میں تعاون بڑھایا جائے ۔ پچھلے کچھ مہینوں میں پاک امریکہ تعلقات میں بہتری آئی ہے اور ساتھ ہی ساتھ پاک افغان تعلقات بھی بہتر ہوئے ہیں ۔

وفاقی وزیر داخلہ چودھری نثار نے دہشت گردی کے خلاف 5 نکاتی حکمت عملی پیش کی۔ انتہا پسندی کے خلاف ’’وائٹ ہاؤس سمٹ‘‘ سے خطاب کرتے  چودھری نثار نے کہا کہ دہشت گردی کسی ایک ملک نہیں پوری دنیا کا مسئلہ ہے۔ لوگوں کو شدت پسندی کی طرف دھکیلنے والوں کو بے نقاب کیا جائے، دہشت گردی کے خلاف مقامی کمیونٹی کو مضبوط کیا جائے۔ انسداد دہشت گردی کے خلاف عالمی کانفرنس کا انعقاد لائق تحسین ہے۔ امن سے محبت کرنے والوں کا اعتماد حاصل کیا جائے

انھوں نے کہا کہ سانحہ پشاور ملکی تاریخ میں دہشت گردی کی بدترین مثال ہے۔ دہشت گردی کے خلاف پاکستان نے 50 ہزار جانوں کا نذرانہ دیا ہے۔ دہشت گردی کے خلاف پاکستانی قوم سیسہ پلائی دیوار بن گئی ہے۔

چودھری نثار کا انتہا پسندی کے خلاف ’’وائٹ ہاؤس کانفرنس‘‘ کے حوالے سے کہنا تھا کہ انتہا پسندی کے خلاف کانفرنس شدت پسندی سے بچنے میں مددگار ہوگی۔ کانفرنس دہشت گردی کے خلاف مشترکہ اقدامات کی بنیاد فراہم کرتی ہے، انسداد دہشت گردی کیلئے 5 نکاتی حکمت عملی انتہائی اہمیت کی حامل ہے،عالمی سطح پر تعلیم‘ صبر اور برداشت کو فروغ دیا جائے۔

Print Friendly, PDF & Email

Comments

comments

یہ بھی پڑھیں