امپائر کے اشاروں کی سیاست نہیں کریں گے، بلاول بھٹو زرداری -
The news is by your side.

Advertisement

امپائر کے اشاروں کی سیاست نہیں کریں گے، بلاول بھٹو زرداری

کراچی : پاکستان پیپلز پارٹی کے چیئرمین بلاول بھٹو زرداری کا کہنا ہے کہ بھٹو کے وارث ہیں، امپائر کے اشاروں کی سیاست نہیں کریں گے، دوسری جانب پیپلز پارٹی کے رہنما وزیرِ اطلاعات سندھ شرجیل میمن نے کہا ہے کہ عمران خان اپنی تقریر میں بھٹو خاندان کا نام احترام سے لیں۔

سماجی رابطے کی ویب سائٹ ٹویٹر پر بلاول بھٹو نے ٹویٹ کیا ہے کہ بلاول بھٹو ذوالفقار علی بھٹو کا نواسا اور بنظیر بھٹو کے بیٹا ہیں اور ہم کبھی بھی امپائر کے اشارہ پر سیاست نہیں کریں گے۔

دوسری جانب پیپلز پارٹی کے رہنماء شرجیل میمن کا کہنا ہے کہ عمران خان اپنی تقریر میں بھٹو خاندان کا نام احترام سے لیں، ان کا کہنا تھا کہ پاکستان کی تاریخ میں ایسا کوئی خاندان نہیں، بھٹوخاندان نے ملک، جمہوریت اور عوام کے حقوق کے لئے شہادتیں دیں ہیں۔

شرجیل میمن کا کہنا تھا کہ بلاول بھٹو ان کے لیڈر ہیں اور اٹھارہ کروڑ عوام کی نمائندگی کرتے ہیں، سیاست میں جو زبان عمران خان استعمال کررہے ہیں، اس سے ان کی سوچ کی عکاسی ہوتی ہے۔

Comments

comments

یہ بھی پڑھیں