The news is by your side.

Advertisement

امید ہے حکومت سند ھ انتخابی مہم کو مہم ہی رہنے دے گی، خالد مقبول صدیقی

ایم کیو ایم نے کراچی ا ور حیدر آباد میں بلدیاتی انتخاب کیلئے مہم چلانے کا فیصلہ کر لیا۔ رابطہ کمیٹی کے ڈپٹی کنوینر خالد مقبول صدیقی نے کہا ہے کہ امید ہے حکومت سند ھ انتخابی مہم کو مہم ہی رہنے دے گی ۔

کراچی میں پریس کانفرنس سے خطاب کرتے ہوئے ایم کیو ایم کی رابطہ کمیٹی کے ڈپٹی کنوینر خالد مقبول صدیقی نے کہا ہے کہ ایم کیو ایم ہمیشہ انتخابات اکیلے لڑی ہے اور اس بار بھی اکیلی لڑے گی ، توقع ہے کہ بلدیاتی انتخابی مہم احتجاجی مہم میں تبدیل نہں ہوگی، انہوں نے بتایا کہ ایم کیو ایم کے انتخابی دفاتر کھلنا شروع ہوگئے ہے.

اس موقع پر خطاب میں ایم کیو ایم کے رہنما ڈاکٹر فاروق ستار کا کہنا تھا کہ حکومت سندھ کو آپریشن کے حوالے سے اپوزشین جماعتوں سے مشورے کرنے چاہئیں ۔ انہوں نے کہا کہ ایم کیو ایم کی خواہش ہے کہ وزیراعلی سندھ  اُسے ملاقات کےلیے بلائیں ، حکومت سندھ آپریشن کی نگرانی کےلیے مانیٹرنگ کمیٹی بنا کر اس بات کو یقینی بنائے کہ کو ئی بے گناہ ماروئے عدالت قتل نہ ہو،

فاروق ستار نے کہا کہ متنازع قانون اور حلقہ بندیاں سندھ کے عوام کے ساتھ نا انصافی ہے،انتقامی عمل کے نتیجے میں انتخابی عمل متاثرہوگا، اگر دفاتر چھاپے مارے جائیں گے، توسیاسی اور انتخابی عمل سبو ثاز ہوگا۔

 

Print Friendly, PDF & Email

Comments

comments

یہ بھی پڑھیں