The news is by your side.

Advertisement

امیرقطرشیخ تمیم بن حمدالثانی دو روزہ دورے کے بعد وطن روانہ

اسلام آباد: امیرقطرشیخ تمیم بن حمدالثانی روزہ دورے کے بعد وطن روانہ ہوگئے۔

امیر قطر کو وزیرِاعظم نواز شریف نے نور خان ائیر بیس پر رخصت کیا، قطر کے امیر شیخ تمیم بن حماد الثانی گزشتہ روز پاکستان پہنچےتھے، انہوں نے یومِ پاکستان کی تقریبات میں شرکت سمیت وزیرِاعظم اور دیگر اعلیٰ حکام سے ملاقات کی۔

 شیخ تمیم بن حماد نے دورہ کے دوران پاکستان اور قطر کے درمیان تعاون کے پہلے ایگزیکٹیو پروگرام کےسمجھوتے پر دستخط کئے جبکہ پاکستان کے ساتھ کئی اہم معاہدوں پر دستخط بھی کئے۔

گزشتہ روز اسلام آباد پہنچنے وزیرِاعظم پاکستان نواز شریف اور دیگر حکام نے امیر قطر شیخ تمیم بن حماد کا استقبال کیا، امیر قطر نے اپنے وفد کے ساتھ وزیرِاعظم نواز شریف سے ملاقات کی، جس میں دوطرفہ اموراورمختلف شعبوں میں تعاون بڑھانے پرتبادلہ خیال کیا گیا، پاکستان اور قطر کے درمیان کھیل اور ثقافت کے شعبوں میں تعاون بڑھانے کے حوالے سے تعاون کےمعاہدوں پر دستخط بھی ہوئے۔

تقریب میں وزیرِاعظم نواز شریف وفاقی وزراء اور امیر قطر بھی موجود تھے، وزیرِاعظم نواز شریف نے قطر کے امیر کے اعزاز میں عشائیہ بھی دیا، جس میں وفاقی وزراء مسلح افواج کے سربراہ ، وزیرِاعلیٰ سندھ قائم علی شاہ، چوہدری اعتزاز احسن، راجہ ظفر الحق سمیت دیگر سرکاری و سیاسی شخصیات نے شرکت کی۔

Print Friendly, PDF & Email

Comments

comments

یہ بھی پڑھیں