امیرمقام پر قاتلانہ حملہ قابل مذمت ہے، رانا ثناء اللہ خان -
The news is by your side.

Advertisement

امیرمقام پر قاتلانہ حملہ قابل مذمت ہے، رانا ثناء اللہ خان

وزیر قانون پنجاب رانا ثناء اللہ خان نے کہا ہے کہ امیرمقام پر قاتلانہ حملہ قابل مذمت ہے ،طالبان کے جوگروہ مذاکرات چاہتے ہیں اُن سے بات چیت ہوگی ، جو ریاست کو تسلیم نہیں کرتے ان کیخلاف ایکشن لیا جائیگا۔

فیصل آباد زرعی یونیورسٹی میں ایک تقریب کے موقع پر میڈیا سے گفتگو کرتے ہوئے رانا ثناء اللہ خان کا کہنا تھا کہ بلدیاتی انتخابات کےانعقاد کےلیے بھر پور کوشش کی ، یہ تاثر غلط ہے کہ پنجاب حکومت تاخیر چاہتی ہے ۔

الیکشن کمیشن کو نئی حلقہ بندیاں کرنی ہیں جس کے لیے کم از کم 6 ماہ کا وقت درکارہو گا ، انہوں نے کہا کہ عید میلادالنبی کے موقع پر انتہائی سخت سیکورٹی کے انتظامات کئے جائیں گے ، طالبان کے حوالے سے اُن کا کہنا تھا کہ جو مذاکرات چاہتے ہیں اُن سے بات ہوگی اور ریاست کو تسلیم نہ کرنے والوں کے ساتھ آہنی ہاتھوں سے نمٹاجائیگا۔،

رانا ثناء اللہ نے کہا کہ پرویز مشرف کو سزادینے یا معاف کرنے کا اختیار عدالت کے پاس ہے جو بہتر ہو گا عدالت وہی فیصلہ کرے گی۔

 

Comments

comments

یہ بھی پڑھیں