site
stats
بزنس

انتہا پسندی کا خاتمہ پاکستان کو کاروبار کیلئے موزوں بنادے گا، موڈیز

واشنگٹن : عالمی ریٹنگز ایجنسی موڈیز کا کہنا ہے کہ پاکستان سے انتہا پسندی پر قابو پانے کے بعد کاروبار کیلئے موزوں ترین ملک بن سکتا ہے، موڈیز اور ایس اینڈ پی کے بعد فنچ ریٹنگز ایجنسی نے بھی پاکستان میں دلچسپی کا اظہار کیا ہے۔

وزیرِ خزانہ اسحاق ڈار نے موڈیز، اسٹینڈرڈ اینڈ پورز اور فیچ ریٹنگ ایجنسیز کے نمائندوں سے ملاقات کی ۔ عالمی ریٹنگز ایجنسیوں کے مطابق پاکستان کےتوانائی سیکٹر میں کافی مواقعے موجود ہیں مگر دہشت گردی اور انتہا پسندی کے خاتمے پر ہی سرمایا کاری ممکن ہے ۔

موڈیز اور ایس اینڈ پی کافی عرصے سے پاکستان پر رپورٹس جاری کر رہے ہیں جب کہ فنچ ریٹنگز نے حال ہی میں پاکستان میں دلچسپی کا اظہار کیا ہے ۔

اس موقعے پر وزیرِ خزانہ اسحاق ڈار نے بتایا کہ اسلامک بانڈز کا اجراء اور اوجی ڈی سی ایل کے شئیرز کی فروخت آئندہ چند ہفتوں میں ہو جائے گی جبکہ رواں سال کے آخر تک زرمبادلہ کے ذخائرپندرہ ارب ڈالرز تک پہنچ جائیں گے ۔

اسحاق ڈار نے عالمی ایجنسوں کو یقین دلایا کہ پاکستان اور آئی ایم ایف کے معاملات معمول کے مطابق ہیں آئی ایم ایف کی تیسری اور چوتھی جائزہ رپورٹ مشترکہ طور پر جاری کی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top