The news is by your side.

Advertisement

انسانی حقوق کمیشن کا کراچی آپریشن پر تحفظات کا اظہار

کراچی :انسانی حقوق کمیشن نے کئی ماہ سے جاری کراچی آپریشن پر تحفظات کا اظہار کر دیا ہے، آپریشن کے دوران لانڈھی کے علاقے سے ایک شخص کی لاش برآمد ہوئی۔

ہیومن رائٹس کمیشن آف پاکستان نے کراچی آپریشن پر تحفظات کا اظہار کرتے ہوئے قانون نافذ کرنے والے اداروں کی رہنمائی کا فیصلہ کیا ہے، کمیشن کے رہنماؤں کے مطابق سیاسی جماعتوں، رہنماؤں، میڈیا کے نمائندوں، اقلیتوں اور سول سوسائٹی کے اراکین سے مشاورت کے بعد قانون نافذ کرنے والے اداروں کے لئے امن اومان کے قیام کے لئے تجاویز سامنے لائی جائیں گی۔

ہیومن رائٹس کمیشن کے رہنماؤں کا کہنا ہے کہ کمیشن کے ارکان قانون نافذ کرنے والے اداروں کی فیکٹس فائنڈنگ رپورٹ تیار کریں گے، جو آپریشن کے حقائق لانے کے ساتھ بہتری کی تجاویز مرتب کرے گا ، کمیشن نے کراچی میں رینجرز کی کئی سالوں سے موجودگی اور ماورائے عدالت قتل پر بھی خدشات کا اظہار کیا ہے۔

ہیومن رائٹس کمیشن اتوار کو کراچی کی صورتحال پر مزید حقائق سامنے لائی گی، دوسری جانب کراچی میں جاری قتل وغارت نہ رُک سکی، صبح سویرے لانڈھی کے علاقے مرغی خانہ کے قریب سے ایک شخص کی ہاتھ  پاؤں بندھی لاش ملی، جسے فوری طور پر اسپتال منتقل کردیا گیا۔

Print Friendly, PDF & Email

Comments

comments

یہ بھی پڑھیں