The news is by your side.

Advertisement

انسداد پولیو مہم تیسرے روز بھی کامیابی سے جاری

کراچی : شہر کی گیارہ یونین کونسلز میں پولیو مہم تیسرے روز بھی جاری ہے۔مہم کے دوران ڈھائی لاکھ سے زائد بچوں کو انسداد پولیو کے قطرے پلائے جائیں گے۔

کراچی میں انسداد پولیو مہم سخت سیکیورٹی حصار میں جاری ہے۔گیارہ حساس یونین کونسلز میں پولیو رضاکار آج تیسرے روز بھی گھر گھر جا کر بچوں کو پولیو کے قطرے پلارہے ہیں۔

پولیو حکام کے مطابق گیارہ یونین کونسلز میں جاری پولیو مہم کے دوران ڈھائی لاکھ سے زیادہ بچوں کو پولیو سے بچاؤ کے قطرے پلانے کا ہدف مقرر کیا گیا ہے۔

پولیو حکام کا کہنا ہے کہ مہم کے آخری روز مطلوبہ ہدف حاصل کرلیں گے،تمام یونین کونسلز میں انسداد پولیو مہم مقررہ وقت پر شروع ہوئی جو بغیر کسی وقفے کے شام چار بجے تک جاری رہے گی۔

واضح رہے کہ گزشتہ روز پاکستان میں پولیو کے آٹھ کیس  سامنے آئے ہیں۔علاوہ ازیں  ملک کے مختلف حصوں میں دہشت گردوں کی جانب سے پولیو ٹیموں پر ہونے والے پے در پے حملوں کے باعث پولیو رضاکار عدم تحفظ کا شکار ہیں، جس کی وجہ سے کچھ شہروں میں انسداد پولیو مہم بھرپور طریقے سے نہیں چلائی جا رہی۔،

Print Friendly, PDF & Email

Comments

comments

یہ بھی پڑھیں