انقلاب آزادی مارچ سے نمٹنے کیلئے حکومت نے 2مذاکراتی کمیٹیاں بنانے کا فیصلہ -
The news is by your side.

Advertisement

انقلاب آزادی مارچ سے نمٹنے کیلئے حکومت نے 2مذاکراتی کمیٹیاں بنانے کا فیصلہ

اسلام آباد: انقلابی آزادی مارچ کی تنی ہوئی سیاسی رسی کو ڈھیلا کرنے کے لئے رہنماؤں کے رابطے اور مشاورت میں تیزی آگئی ہے، ثالثی کی کوششوں کے لیے سیاسی جماعتیں سرگرم ہوچکی ہیں۔

انقلاب آزادی مارچ سےنمٹنےکیلئےحکومت نےدو مذاکراتی کمیٹیاں بنانے کا فیصلہ کرلیا ہے، چوہدری نثار کا کہنا ہے کہ طاہرالقادری اور عمران خان کے آئینی مطالبات مانے جا سکتے ہیں، مذاکراتی کیمٹی میں سیاسی جماعتوں کے دو اراکین شامل ہوں گے، پیپلزپارٹی سمیت دیگر سیاسی جماعتیں حالات کی سنگینی کو بھانپتے ہوئےثالثی کیلئے میدان میں سرگرم ہیں۔

ان حالات میں جماعت اسلامی کے امیرسراج الحق کی اہمیت سب سے زیادہ ہوگئی ہے، قومی اسمبلی میں قائد حزب اختلاف خورشید شاہ سراج الحق سے اہم ملاقات میں معاملات کو بات چیت کے ذریعے سلجھانے پرتجاویز دیں گے۔

حکومتی اور اتحادی اپوزیشن جماعتوں کا اجلاس آج طلب کرلیا گیا ہے، خورشید شاہ ، محمودخان اچکزئی ،آفتاب احمد شیرپاؤ اور غلام احمد بلور کے درمیان سیاسی تناؤ کو ختم کرنے کے لیے رابطےجاری ہیں۔

وزیر اعظم کے معاون خصوصی عرفان صدیقی طاہرالقادری سے ملاقات کےلئے کوششں کررہے ہیں، گورنر پنجاب اور الطاف حسین بھی طاہرالقادری کو راضی کرنے کےلئے بیک ڈور کوششیں کررہے ہیں

Comments

comments

یہ بھی پڑھیں