The news is by your side.

Advertisement

انقلاب مارچ کے موقع پر پنجاب میں دفعہ144نافذ

لاہور: پنجاب بھرمیں دفعہ ایک سوچوالیس نافذ کر دی گئی ہے،اسلحہ،ڈنڈے اور گیس ماسک پرپابندی عائد کر دی ہے،اشتعال انگیز  تقاریر اور خواتین، بچوں کوڈھال کے طور پراستعمال کرنے پربھی پابندی ہوگی، جس کا اطلاق تیرہ اگست سےاٹھارہ اگست تک رہے گا۔

یوم آزادی پرمحکمہ داخلہ پنجاب نے کسی بھی ناخوشگوارواقعےسے بچنےکیلئےدفعہ ایک سوچوالیس نافذکردی ہےجس کےتحت کم سے کم چارافراد کے اجتماع پر پابندی ہوگی، تاہم متعلقہ ضلعی انتظامیہ سےاجازت لینے والےاس حکم سے مستثنیٰ ہونگے۔ اسلحہ، کیل لگے ڈنڈے، پٹرول بم اورکوئی بھی ایسی چیز جوتشدد میں استعمال ہوسکتی ہو، رکھنے اور لے کر چلنے پر پابندی ہوگی، مظاہرین کا گیس ماسک رکھنا ممنوع ہوگا۔

پولیس افسرکی جانب سےٹریفک کے بہاؤ یا لوگوں کےاحتجاج کو ریگولیٹ کرنےکی کسی بھی رکاوٹ کوہٹانےکی کوشش پربھی پابندی لگادی گئی ہے۔ مظاہرے کے دوران ایسی اشتعال انگیز تقاریر پر پابندی ہوگی، جن کا مقصد شرکاء یا پیروکاروں کو اکسانا ہو۔

خواتین اور بچوں کو رہنماﺅں کیلئےانسانی ڈھال کے طور پراستعمال کرنے پر بھی پابندی ہوگی۔ محکمہ داخلہ پنجاب کی جانب سے پابندیاں تیرہ اگست سےاٹھارہ اگست تک نافد رہیں گی۔

Print Friendly, PDF & Email

Comments

comments

یہ بھی پڑھیں