The news is by your side.

Advertisement

انور مقصود کا دھرنا اسلام آباد کے شہریوں کیلئے 27 نومبر سے پیش ہوگا

اسلام آباد: انور مقصود کاملک کی موجودہ صورتحال پر تحریر کیا جانے والا اسٹیج پلے انور مقصود کا دھرنا وفاقی دارلحکومت کے شہریوں کیلئے ستائیس نومبر سے پیش کیا جائے گا۔

ڈرامہ کے مصنف انور مقصود کا ڈرامہ ڈائریکٹرز داور اور یاسر کے ہمراہ اسلام آباد میں نیوز کانفرنس سے خطاب میں کہناتھاکہ ڈرامہ میں مذاح ہے مگر کسی کی تضحیک نہیں کی گئی جبکہ اس ڈرامہ کے موضوع میں نوا ز لیگ ، پیپلز پارٹی ، تحریک انصاف ، جے یو آئی کو بھی شامل کیا گیا ہے،لوڈ شیڈنگ اور ٹی وی سنسر شپ جیسے مسائل بھی اس ڈرامہ کا موضوع ہونگے۔

ڈرامہ کے ڈائریکٹر داور نے بتایا کہ ملک کی حکومت کے زیر انتظام لاہور الحمرا اور اسلام آبا د پی این سی اے کی عمار ت میں ڈرامہ پیش کرنے کی اجازت نہ ملنے پر اسلام آباد کلب میں ڈرامہ پیش کیا جارہا ہے،جبکہ اسلام آباد انتظامیہ کی جانب سے تیس نومبر کو بھی ڈرامہ پیش کرنے کی اجازت نہیں دی گئی، ڈرامہ انور مقصود کا دھرنا سترہ دسمبر تک اسلام آباد میں جاری رہے گا جس کے بعد یہ ڈرامہ لاہور اور کراچی بھی لے جایا جائے گا۔

Print Friendly, PDF & Email

Comments

comments

یہ بھی پڑھیں