The news is by your side.

Advertisement

انٹرنیٹ ہماری زندگیوں پرتسلط حاصل کررہا ہے، گوگل کے مالک کا دعویٰ

ڈیوس: گوگل کے مالک ایرک شمٹ نے پیشن گوئی کی ہے کہ انٹرنیٹ ایک دن ہماری زندگیوں میں اس قدرعام ہوجائے گا کہ ہمارے گرد و نواح میں موجود ہرشے کے پیچھے وہی کارفرما ہوگا۔

ورلڈ اکانومک فورم میں اعلیٰ کاروباری اورسیاسی شخصیات سے خطاب کرتےہوئے شمٹ کا کہنا تھا کہ: ’’ہمارے ارد گرد بہت سارے سنسر، ڈیوائسز ہوں گی کہ ان کی موجودگی کا احساس ختم ہوجائے گا۔ وہ ہماری زندگی کے ہرجز میں شامل ہوں گی۔‘‘

’’یہ ہماری زندگی میں ہروقت شامل ہوں گی۔ تصورکریں کہ آپ ایک کمرے میں داخل ہوئے اور ۔۔۔ وہاں ہونے والی ہر چیزآپ سے ہم کلام ہوگی۔

’’ ایک انتہائی ذاتی اورپراثردنیا ابھررہی ہے جو کہ انتہائی دلچسپ بھی ہے۔‘‘

انہوں نے اس خدشے کا بھی اظہارکیا کہ ٹیکنالوجی کی دنیا میں ترقی کی یہ بڑھتی ہوئی رفتارنوکریاں ختم نہ کردے۔

گوگل کے باس کا یہ بھی کہنا تھا کہ ٹیکنالوجی نوکریاں ختم کررہی ہے، یہ بحث آج سے نہیں بلکہ کئی صدیوں سے جاری ہے بس فرق صرف اتنا ہے کہ آج اس تبدیلی کی رفتارگزرے ہوئے کل سے کئی گنازیادہ ہے۔

’’ ان کا کہنا تھا کہ یہ بالکل ایسا ہی ہے جیسے ٹریکٹر کی ایجاد سے نجانے کتنے لوگوں کو اپنا زراعت کا پیشہ چھوڑنا پڑا۔

‘‘

Print Friendly, PDF & Email

Comments

comments

یہ بھی پڑھیں