The news is by your side.

Advertisement

انٹرنیٹ دنیا کو کیسے تباہ کرے گا، سائنسدانوں کا انکشاف

لندن :انٹرنیٹ نے انسان کی دنیا ہی بدل کر رکھ دی ہے لیکن کیا یہ دنیا کو ختم بھی کرسکتا ہے؟ دنیا کی مشہور و معروف درسگاہ کیمبرج یونیورسٹی کے ایک تحقیقی گروپ کا کہنا ہے کہ یہ عین ممکن ہے کہ دنیا کا خاتمہ کسی بڑے زلزلے، سیلاب یا آتش فشاں کی بجائے انٹرنیٹ کی وجہ سے ہو۔

کیمبرج یونیورسٹی میں فلسفی ہوپرائس، ماہر فلکیات مارٹن ریس اور اسکائپ کے بانی جان ٹالن کے زیر سایہ ایک تحقیقی گروپ ”سینٹر فار سٹڈی آف ایگزیسٹینشل رسک “ کام کررہا ہے جس کے مطابق انٹرنیٹ ایک ایسا جن ہے جو بے قابو ہوگیا تو اسے کنٹرول کرنا ممکن نہیں اور نتیجتاََ دنیا کی تباہی ہوگی۔

آج کل انٹرنیٹ کو دنیا بھر کے مجرم اور دہشت گرد اپنے منصوبوں کیلئے استعمال کر رہے ہیں، جو دنیا کو تباہ بھی کرسکتے ہیں۔ سب سے بڑا خطرہ مصنوعی ذہانت ہے جس کی تخلیق آنے والے وقت میں مشینوں کو انسانوں کا حاکم بناسکتی ہے اور انسان ان مشینوں کے سامنے کیڑے مکوڑوں کی حیثیت اختیار کرسکتے ہیں۔

ماہرین  کے مطابق حالیہ سیاسی انقلابوں میں انٹرنیٹ کا بڑا ہاتھ تھا اور اسی طرح کا سیاسی انقلاب عالمی سطح پر بھی رونما ہوسکتا ہے جس کے بعد ساری دنیا کے حالات لیبیا، مصر اور شام جیسے ہوسکتے ہیں، انٹرنیٹ کے ذریعے عالمی پیمانے پر سائبر حملے بھی کئے جاسکتے ہیں، جو عالمی معاشی اور حکومتی اداروں کو مفلوج کرسکتے ہیں جس کا نتیجہ بین الاقوامی مالیاتی بحران اور قحط یا تیسری جنگ عظیم کی صورت میں نکل سکتا ہے۔

Print Friendly, PDF & Email

Comments

comments

یہ بھی پڑھیں