انگلینڈ فٹبال ٹیم کے کپتان اسٹیون جیراڈ کا انٹرنیشنل فٹبال سے ریٹائرمنٹ کا اعلان -
The news is by your side.

Advertisement

انگلینڈ فٹبال ٹیم کے کپتان اسٹیون جیراڈ کا انٹرنیشنل فٹبال سے ریٹائرمنٹ کا اعلان

انگلینڈ: انگلینڈ فٹبال ٹیم کے کپتان اسٹیون جیراڈ نے انٹرنیشنل فٹبال سے ریٹائرمنٹ کا اعلان کردیا ہے۔

انگلش فٹبال ٹیم نے اسٹیون جیراڈ کی قیادت میں برازیل میں ہونے والے ورلڈ کپ میں حصہ لیا تھا لیکن وہ پہلے ہی راؤنڈ میں باہر ہوگئے تھے، اسٹیون جیرارڈ نے ایک سو چودہ میچز میں ٹیم کی نمائندگی کی، جیراڈ نے دو ہزار میں انٹرنیشنل کیرئیر کا آغاز کیا اور اپنی عمدہ کارکردگی کی بدولت وہ ٹیم کے مستقل رکن بن گئے۔

جیراڈ کو انگلینڈ فٹبال کی تاریخ کا بہترین مڈفیلڈر قرار دیا جاتا ہے، جیراڈ کا کہنا ہے کہ وہ انٹرنیشنل فٹبال سے ریٹائر ہورہے ہیں لیکن وہ لیورپول کی نمائندگی کرتے رہیں گے۔

انہوں نے کہا کہ انگلش ٹیم کی نمائندگی کرنا ان کے لئے اعزاز کی بات ہے، وہ ان سب لوگوں کا شکریہ ادا کرنا چاہتے ہیں، جنہوں نے کیرئیر کے دوران انہیں سوپرٹ کیا۔

Comments

comments

یہ بھی پڑھیں