site
stats
عالمی خبریں

اوبامہ کا دورۂ بھارت: پاکستان نے بھارتی پروپیگنڈے کی نفی کردی

واشنگٹن: امریکہ میں پاکستانی سفارت خانے نے بھارتی میڈیا میں گردش کرتی خبروں کو بے بنیاد قراردیا جن کے مطابق امریکہ نے صدراوباما کے دورہٗ بھارت کے دوران پاکستان کو سرحد پارکوئی حملہ نہ کرنے کی وارننگ جاری کی ہے۔

رواں ماہ امریکی صدر براک اوباما کے دورہ بھارت کو جوازبنا کربھارت نے ایک بارپھرپاکستان کے خلاف منفی پروپیگنڈے کا آغاز کردیا ہے، ایک طرف امریکی سیکورٹی ادارے صدر اوباما کی بھارت میں حفاظت کے حوالے سے فکر مند دکھائی دے رہے ہیں تو دوسری جانب بھارت اس موقع پربھی پاکستان کو بدنام کرنے میں مصروف ہے۔

پاکستانی سفیر جلیل عباس جیلانی کا ایک گفتگو میں کہنا تھا کہ پاکستان ایک مبینہ امریکی وارننگ کے حوالے سے بھارتی پروپگینڈا جنگ کا حصہ نہیں بنے گا۔

صدر اوباما رواں ماہ بھارت کے یوم جمہوریہ کی پریڈ میں مہمان خصوصی ہوں گے اور دنیا کے سب سے بااثر شخصیت کی سیکورٹی امریکہ اوربھارت دونوں کیلئے ایک مشکل مرحلہ ہے، امریکی صدر کسی بھی کھلی تقریب میں زیادہ سے زیادہ 45 منٹ گزارتے ہیں، اور بھارت میں ڈھائی گھنٹہ کھلے مقام پربیٹھنا سیکورٹی اداروں کیلئے ایک بڑا چیلنج بنا ہوا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top