اوجی ڈی سی ایل:10فیصدحصص فروخت کرنے کی تیاری مکمل -
The news is by your side.

Advertisement

اوجی ڈی سی ایل:10فیصدحصص فروخت کرنے کی تیاری مکمل

اسلام آباد: حکومت نے اکتوبر کے پہلے ہفتے میں حکومتی تحویل میں موجود او جی ڈی سی ایل کے حصص بین الااقوامی اسٹاک مارکیٹ میں فروخت کرنےکا فیصلہ کرلیا ہے۔

ملک میں جاری تمام تر سیاسی کشمکش کے باوجود حکومت آئی ایم ایف شرائط پوری کرنے میں لگی ہوئی ہے، نجکاری کمیشن زرائع کے مطابق تمام تر سیاسی رسہ کشی کے درمیان حکومت نے او جی ڈی سی ایل کے حصص لندن اسٹاک مارکیٹ میں فروخت کیلئے پیش کرنے کی تیاری مکمل کرلی ہے۔

او جی ڈی سی ایل کا جی ڈی آر اکتوبر کے پہلے ہفتے میں کئے جانے کا امکان ہے۔

نجکاری کمیشن زرائع کے مطابق اس جی ڈی آر سے پچاسی کروڑ ڈالر حاصل ہونے کی توقع ہے، اس ٹرانزیکشن کیلئےنجکاری کمیشن نے میریل لینچ، سٹی گروپ اور کے اے ایس بی کو لیڈ منیجر مقرر کیا۔

نجکاری کمیشن کے مطابق جی ڈی آر کیلئے روڈ شوز پہلے ہی تاخیر کا شکار ہوچکے ہیں، اب کمیشن کی ٹیم ستمبر کے دوسرے ہفتے میں روانہ ہوگی۔

Comments

comments

یہ بھی پڑھیں