The news is by your side.

Advertisement

اورنگی ٹاؤن : پولیس مقابلہ،دوملزمان ہلاک،4غیرملکیوں سمیت متعدد گرفتار

کراچی : اورنگی ٹاؤن میں ای سی ایل سی پولیس کی کارروائی، دو ملزمان مارے گئے، رینجرز نے گلستان جوہر بلاک اٹھارہ میں ٹارگٹڈ آپریشن کے دوران متعدد افراد کو حراست میں لے لیا۔

پولیس کے مطابق اورنگی ٹاؤن طوری بنگش کے علاقے میں ای سی ایل سی پولیس نے کارروائی کی ، جس میں دو کارلفٹر مارے گئے ۔

گلستان جوہر بلاک اٹھارہ میں رینجرز نے ٹارگٹڈ آپریشن کیا، جہاں سے متعدد افراد کو حراست میں لیکر تفتیش کیلئے نامعلوم مقام پر منتقل کردیا گیا ۔

عیدگاہ پولیس نے کارروائی کرتے ہوئے چار غیر ملکیوں کو گرفتار کرلیا، گلستان جوہر میں بھی پولیس کے ٹارگٹڈ آپریشن کے دوران مختلف جرائم میں ملوث دس ملزمان کو گرفتار کیا گیا ۔

گرفتار ملزمان کے قبضے سے اسلحہ برآمد ہوا ہے۔دوسری جانب  فیروز آباد پولیس نے مبینہ مقابلے کے دوران کارلفٹر کو زخمی حالت میں گرفتار کرکے چھینی ہوئی گاڑی اور اسلحہ برآمد کرلیا۔

Print Friendly, PDF & Email

Comments

comments

یہ بھی پڑھیں