The news is by your side.

Advertisement

اوکاڑہ: نامعلوم افراد کی فائرنگ، جے یو پی کا مقامی عہدیدار قتل

اوکاڑہ: جمیعت علمائے پاکستان اوکاڑہ کے ضلعی جنرل سیکرٹری شہزاد انجم انصاری کو نامعلوم نے فائرنگ کرکے قتل کردیا، وزیراعلی پنجاب نےڈی پی او سے رپورٹ طلب کرکے واقعہ کی تحقیقات کا حکم دے دیا۔

جے یو پی اوکاڑہ کے ضلعی جنرل سیکرٹری شہزاد انجم انصاری اپنے گھر منصورہ آباد جارہے تھے کہ گلی میں مسلح افراد نے ان پرفائرنگ کر دی جس سےشہزاد انجم انصاری مو قع پر ہی جابحق ہو گئے۔

واقعہ کی اطلاع ملتے ہی ڈی سی او اوکاڑہ قیصر سلیم اور ایس پی ڈاکٹر فر خ رضا ملک ،ڈی ایس پی ہیڈکو اٹر طارق ظفر موقع پر پہنچ گئے۔

ڈی پی او محمد فیصل رانا کے مطابق مقتول کا جائیداد کے تنازعہ پر اپنے خاندان کے ساتھ جھگڑا چل رہا تھا ، انہوں نے کہا کہ واقعے میں ملوث افراد کو جلد گر فتار کر لیا جائے گا ۔

وزیراعلی پنجاب محمد شہباز شریف نے شہزاد انجم کے جاں بحق ہونے کی خبر کا نوٹس لیتے ہوئےڈی پی او سے رپورٹ طلب کرلی۔

وزیر اعلی پنجاب نے مقتول کے لواحقین سے اظہار تعزیت کی اور کہا کہ ملزمان کو فی الفور گرفتار کر کے قانون کے تحت کارروائی عمل میں لائی جائے۔

Print Friendly, PDF & Email

Comments

comments

یہ بھی پڑھیں