آئندہ میچزمیں سرفراز کو بطور اوپنر کھلایا جائے، سابق کپتان آصف اقبال -
The news is by your side.

Advertisement

آئندہ میچزمیں سرفراز کو بطور اوپنر کھلایا جائے، سابق کپتان آصف اقبال

کراچی: (ویب ڈیسک) قومی ٹیم کے سابق کپتان آصف اقبال شاہینوں کی مسلسل ناکامی پر پریشان ہیں،ان کا کہنا تھا کہ آئندہ میچزمیں سرفراز کو بطور اوپنر کھلایا جائے۔

آصف اقبال نے آے آر وائی اسپورٹس ویب سائٹ سے خصوصی بات چیت کرتے ہوئے کہا کہ اوپننگ کا مسئلہ مسلسل تجربات کے بعد بھی حل ہوتا نظر نہیں آرہا، ناصر جمشید اور یونس خان کی ناکامی کے بعد منجمنٹ کو چاہیے کہ سرفراز کو بطور اوپنر آزمائیں۔

 سابق کپتان نے کہا عمر اکمل پرفیشنل وکٹ کیپر نہیں ہیں ان کی غلطیوں سے ٹیم کو نقصان ہورہا ہے۔ سرفراز اوپننگ کے ساتھ وکٹ کیپنگ کے فرائض بھی انجام دیں۔

 آصف اقبال کا کہنا ہے کہ قومی ٹیم کو ورلڈ کپ کے دیگر میچز میں پانچ بولرز کے ساتھ میدان میں جانا چاہیے۔ تین فاسٹ بولر کے ساتھ یاسر شاہ اور شاہد آفریدی کو ٹیم میں رکھا جائے۔

انہوں نے کہا کہ قومی ٹیم کو زمبابوے آئیرلینڈ اور یو اے ای سے صرف میچ جیتنے پر نہیں بلکہ بڑے مارجن سے کامیابی حاصل کرنے کی کوشش کرنا ہوگی۔

Comments

comments

یہ بھی پڑھیں