آئینی ترمیم کا مسودہ آج قومی اسمبلی میں پیش کیا جائے گا -
The news is by your side.

Advertisement

آئینی ترمیم کا مسودہ آج قومی اسمبلی میں پیش کیا جائے گا

اسلام آباد: پارلیمانی جماعتوں کا خصوصی عدالتوں کے قیام کیلئے آئینی ترمیم پر اتفاق رائے ہوگیا ہے، آئینی ترمیم کا مسودہ آج قومی اسمبلی میں منظوری کیلئے پیش کیا جائے گا۔

سیاسی اور عسکری قیادت کی طویل مشاورت رنگ لے آئی، دہشت گردوں کا صفایا کرنے کیلئے خصوصی عدالتوں کے قیام کیلئے آئینی ترمیم پراتفاق ہوگیا ہے۔

وزیرِاعظم نواز شریف کا کہنا تھا کہ دہشت گردوں سے نمٹ نہیں سکتے تو یہاں بیٹھے رہنے کا جواز نہیں ، جرا ت مندانہ فیصلے نہ کئے تو قوم کا ہاتھ سیاستدانوں کے گریبان پر ہوگا ،قوم کی بھاری اکثریت دہشتگردوں کو انجام تک پہنچانا چاہتی ہے، دہشت گردی پر کاری ضرب لگانے کا فیصلہ کن لمحہ ضائع نہیں ہونے دیں گے۔

وزیرِاعظم کا کہنا تھا کہ قوم ایکشن پلان کو ایکشن میں دیکھنا چاہتی ہے، پندرہ دن کی مشاورت کے بعد مزید بحث کی ضرورت نہیں، نتیجے پر پہنچ چکے ہیں کہ کام کو کیسے انجام دینا ہے۔

اجلاس میں پارلیمانی پارٹیوں کے سربراہان سمیت آرمی چیف جنرل راحیل شریف،ڈی جی آئی ایس آئی اور ڈی جی آئی ایس پی آر بھی شریک ہوئے۔

Comments

comments

یہ بھی پڑھیں